Becas Bienestar, imankuni menki jauenakasï jorhenkuarhini: SEE

+ Con apoyos de más de 9 mil pesos por ciclo escolar.

+ Jarhoajperakuechankuni eski 9 mil pesos mantani uexurhikuampu jorhenkuarhikueri

MORELIA, Michoacán, 8 de julio de 2024.– Jarhoajperakuecha imankuni menki jauenakasï jorhenkuarhini tumpicha nivel medio superior ka superior jintestisï Becas Bienestar enki intspeajka Gobierno federal, eiampesïnti Secretaría de Educación del Estado (SEE).

Juramuti jima anapu, Gabriela Molina Aguilar, uantasti enki menki jauenajka jarhoajperakua Gobierno federal arhikatankuni ka uni eski jimpoka no ampesï tumina jatsïaka nosï niuaka jorhenkuarhini sapicha ka tumpicha.

Nivel medio superior arhikatarhu iamintuecha becas intsïnauasïnti, mantani k’erechikua enlace Bienestar jatsïkuarhisti, tsa ka jorhempericha jintestisï tsanki untajkasï becas kurhajkuarhiani tumpichampu enki jimasï nitamajka.

Ka nivel superior uetarhesïnti k’urhabkuarhini juramutichankuni jorhemperakuecheri o Secretaría de Bienestar en Michoacán arhikatarhu, enki jaka Santos Degollado 262, colonia Nueva Chapultepec, Morelia.

Jarhoajperakuankuni intsïnasïntisi 920 pesos mantani kutsi, 10 kutsichampu enki nitamajka uexurhikua jorhenkuarhikueri 30 kutsïchampu menki jauenasïnti. SEE ka Instituto de Educación Media Superior y Superior del Estado de Michoacán (Iemsysem) uaxastasïntisi ini página jimanki uakasï eranarhikuni tachani ampe jarhoajperakuecheri: https://iemsysem.michoacan.gob.mx/oferta-educativa/ .