+ Gaby Molina inaugura Encuentro Pedagógico en Uruapan.

Jorhempericha uinaperantasïntisi NEM arhikatani tankuarhikuechankuni Uruapan, Jiquilpan ka Zitácuaro

+ Gaby Molina uaxastasti Encuentro Pedagógico Uruapan sïrantankuni ma sesi erankukueri jorhemperichani

URUAPAN, Michoacán, 3 de julio de 2024.- Jorhempericha Erechikueri tsïpekua jinkoni nitamasïnti Primer Encuentro Pedagógico, enki iasï ukuarhika Jiquilpan, Zitácuaro ka Uruapan, jimanki 700 jorhempericha tachani ampe uantontskuarhika uinaperakuampu Nueva Escuela Mexicana (NEM) arhikateri.

Enki uaxastaka tankuarhikua Uruapan, Gabriela Molina Aguilar, juramuti Jorhenkuarhikueri Erechikueri, sesi erankusti anchikua jorhempericheri jorhemperakuecharhu, jimpoka sesikua jinkoni k’amaraka mataru uexurhikua jorhenkuarhikueri, jimpoka 15 uexurhikua isï nitamanapkia.

Tankuarhikuarhu enki Instituto Tecnológico Superior de Uruapan (ITSU) ukuarhika, juramuti Jorhenkuarhikueri, uantasti eski juramuti Alfredo Ramírez Bedolla sesi eratsejka jorhenkuarhikuampu, ka uantasti eski uetarhejka jo menki jauenani ini tankuarhikuechani uani jimanki tachani ampe uantontskuarhinajka.

Ka Carmen Escobedo Pérez, subsecretaria de Educación Básica, uantasti eski juramutinkuni Claudia Sheinbaum, eratsenasti enki uaxastanaka República Educadora, Educadora ka Científica, jimposï uetarhejti jo ini nasï tankuarhikueha.

Tankuarhikuarhu Jiquilpan anapurhu, nitamastisï subsecretaria de Administración, Patricia Flores Anguiano; ka Zitácuaro anapurhu nitamasti juramuti Secundarias anapu, Judith Diéguez González. Iamintuecharhu tachani ampe uantontskuarhinasti jorhenkuarhikueri imankuni jorhempericha sesikua jinkoni uaxastakasï jorhenkuarhikuani Erechikuarhu.