+ Michoacán vive una profunda transformación educativa.

SEE sesi erankusïnti jorhemperichani 30 uexurhikuechampu anchikuarhikueri

+ Erechikua sesi nitamakua ma irekaxati.

MORELIA, Michoacán, 24 de junio de 2024.- Erechikuarhu sesi jorhenkuarhikua anchitaxakasï eski sesi uaxastakua jorhempericheri. Iasï Secretaría de Educación del Estado (SEE) sesi erankuasti 550 jorhempericha enki 30 uexurhikua anchikuarhinakasia, tirhinchakuankuni Maestro Rafael Ramírez ka tuminankuni ma.

«Uekasïnkasi eski sapicha ka tumpicha jorhemperakuecharhu jauaka jimposï menki jauenajkasï sesi nitamakuampu jorhempericheri, Gobierno del Estado arhikatarhuektirhu majku anchikuarhixakasï Erechikuampu ma jimanki sesi pajperakua, uejperakua ka jorhenkuarhikua jauaka», uantasti juramuti Jorhenkuarhikueri, Gabriela Molina, ka uantasti eski pauani pauani juramuti Alfredo Ramírez Bedolla sesi jorhenkuarhikuampu anchikuarhijka.

Juramutimpu, Elías Ibarra sesi erankusti anchikua jorhempericheri, tsanki sesi nitamakua uaxastaka eretecharhu. «Jorhemperimpu ma tachani jorhenticha uaxastanasïntisi, tsanki k’eri ukatechani uajka, tsanki tecnología anchitajka ka tsïnajperi ma; jorhenti ma iamintu ampesti”, uantasti.

Ka juramuti Finanzas anapu, Luis Navarro García, uantasti eski uetarhejka jo menki jauenani anchitani iamintu jorhemperichani jimpoka tsïpekua ka sesikua jinkoni anchikuarhijkasï, jimpoka menteru nosï anaxurhika jorhenkuarhikuecha najki 15 uexurhikua no isï ukuarhimpka. «Iasï sesi anchikuarhisïnkasi Gobierno federal arhikatankuni, ka isï usïnkasï menki jauani chansïni jimpo», uantasti.

I tankuarhikuarhu intsïmpenastisï 550 tirhinchakuecha xani jorhemperichani; i uexurhikua jintestisia mil 731 jorhempericha enki isï ukasï 30, 40 ka 50 uexurhikuechampu anchikuarhikueri. “Chansïni jinkoni iamintu ampe ka enki no iseka no ampesïnti”, k’amarutasti juramuti Gabriela Molina, tankuarhikuarhu enki capital michoacana arhikatarhu ukuarhika.